ވަޒަންކުރުން

އިމުތިހާނު ކުރުމާއި ވަޒަން ކުރުން ނުވަތަ އެސެސްމަންޓް އެންޑް އިވަލުއޭޝަންއަކީ މަދުރަސީ ނިޒާމުގައި ވަރަށްބޮޑު އަހަމިއްޔަތު ކަމެއް ދީފައިވާ މަސައްކަތެކެވެ. މިމަސައްކަތުގެބޭނުމަށް ބަލާލާއިރު ދެމަސައްކަތުގައި ތަފާތުކަމެއް ވާކަން ފާހަގަ ކުރެވެއެވެ. މިތަފާތުތައް ވަކިވަކިން ތިރީގައިވާ ތާވަލުގައި ދެވިފައިއެވަނީއެވެ.

އެސެސްމަންޓް (އިމުތިހާނުކުރުން)	އިވަލުއޭޝަން(ވަޒަންކުރުން)
ކަމަކާއި ބެހޭގޮތުން ހޯދޭ މަޢުލޫމާތުތަކެއް މިސާލަކަށް ދަރިވަރުގެ ފެންވަރާއި ގުޅޭ ގޮތުން ހޯދޭ ހޯދުން	ހޯދުނު މަޢުލޫމާތުތަކާމެދު ވަކިގޮތެއް ކަނޑައެޅުން
މިއީ ހޯދޭ މަޢުލޫމާތުތަކެއް	ހޯދުނު މަޢުލޫމާތުތަކުގެ އަލީގައި ނިންމޭ ނިންމުންތަކެއް
ބޮޑަށް ބެލެނީ އިމުތިހާނު ކުރެވޭ ގޮތް(ކުއަލިޓޭޓިވް)	ބޮޑަށް ބެލެނީ ހޯދިފައިވާ ޢަދަދުތަކަށް (ކުއަންޓިޓޭޓިވް)
ފާހަގަކުރެވެނީ ސްޓްރެންތްސް (މޮޅު) ވީކްނަސް (ދަށް)	ފާހަގަކުރަނީ ބޮޑަށް ފަރުދީ ގުރޫޕްގެ ތެރެއިން ފެންވަރުތަކެއް
ވައްތަރުތަކަކީ، ޑައިގްނޯސްޓިކް، ފޯރމަޓިވް، އަދި ސަމޭޓިވް	ހަމައެކަނީ ސަމޭޓީވް
ދަރިވަރުންނާއި މުދައްރިސުންނާއި ދެބައިމީހުންނަށްވެސް މުހިއްމު މަޢުލޫމާތުތަކެއް ފޯރުކޮށްދޭ	އިދާރީ ދާއިރާތަކާއި، ބެލެނިވެރިންނާއި، ޕޮލިސީލެވްލެގެ މީހުންނަށް މުހިއްމު މަޢުލޫމާތުތަކެއް ފޯރުކޮށްދޭ
ބޮޑަށް ސަމާލުކަންދެވެނީ ވަކިވަކި ފަރުދުންނަށް	ބޮޑަށް ސަމާލުކަންދެނީ ޖަމާޢަތަށް
ބެލެނީ ތަޢުލީމީމިންތަކަކުން	ބެލެނީ އިދާރީ އަދި ސިޔާސީ މިންތަކަކުން
ގުޅުވާލެވެނީ ބޮޑަށް ކުރައިޓީރިއަން ރިފަރެންސަށް	ގުޅުވާލެވެނީ ބޮޑަށް ނޯރމް ރިފަރެންސަށް

މަޢުލޫމާތު ނެގިފައިވަނީ: ވާރސްނޮޕް،(1994). އައިޑިއާސް ފޯރ މީޑިއާ އެޑިޔުކޭޝަން

ވަރަށްގިނަފަހަރަށް އިމުތިހާނުކުރުމުގެ ނަތީޖާގެ ތެރެއިން ކަނޑައަޅާ ކަނޑައެޅުންތަކަށް މިކޔެނީ ވަޒަންކުރުން ނުވަތަ އިވަލުއޭޝަންއެވެ. މިގޮތުން ބަލާއިރު އެއްމަސައްކަތް އަނެއް މަސައްކަތަށް ބާރުދެއެވެ. އިމުތިހާނުކުރެވޭގޮތްތަކުން ލިބިދޭ ނަތީޖާތަކުން ޤައުމުގެ ތަޢުލީމީ ހަޔާތުގައި ވަރަށް ގިނަފަހަރަށް ޢާއްމު ފެންވަރާއި ގުޅޭގޮތުން ތަފުޞީލީ މަޢުލޫމާތުތަކެއް ފޯރުކޮށްދެއެވެ. މިމަޢުލޫމާތުތަކުގެ އަލީގައި އަނެއްކާވެސް އިމުތިހާނުކުރުމުގެ ގޮތްބަދަލުކުރެވި ފެންވަރު ރަގަޅުކުރުމަށް އެހީތެރިވެދެއެވެ.

އިމުތިހާނުކުރުމުގެ ގޮތްތައް

އިމުތިހާނުކުރުމުގެ ގޮތްތައް މައިގަޑުގޮތެއްގައި 3 ބައަކަށް ބަހާލެވިދާނެއެވެ.

ޑައިގްނޯސްޓިކް: އިމުތިހާނުކުރުމުގެ ބޭނުމަކީ އޭރަކު އެގިފައި ހުރީ ކިހާވަރަކަށްތޯ ބަލާ ވަކިގޮތްތަކެއް ނިންމުމަށެވެ. މިގޮތުން މިބާވަތުގެ އިމުތިހާނުކުރުމުގައި ކަނޑައަޅާފައިވާ މަޤްޞަދުތައް ޙާޞިލުވެފައިވޭތޯ ބެލުމަށްވުރެ ބޮޑަށް ސަމާލުކަންދޭނީ އެގިފައި ހުރި އެއްޗެއްގެ މައްޗަށް ބިނާކޮށް އުގަންނާދިނުން ނުވަތަ އިތުރަށް ގެނެވިދާނެ ބަދަލުތަކަކަށެވެ. މިބާވަތުގެ ޓެސްޓުތައް ޢާއްމުކޮށް ކުރެވެނީ ކޯހެއް ފަށާއިރު ނުވަތަ ޓާރމެއް ފަށާއިރު އެވެ. މިގޮތުން ލިބޭ ނަތީޖާގެ އަލީގައި ކޯހުގެ ފެންވަރު މަތިކޮށް ދަށްކުރުން ކަނޑައެޅޭ ތަން އާދެއެވެ. މިބާވަތުގެ އިމުތިހާނުތަކަށް އާއްމުކޮށް ބޭނުންޖެހެނީ މިސާލަކަށް ކޯހަކަށް ކުރިމަތިލާއިރު ތަފާތު ފެންވަރުގެ ކުދިންނާއި ތަފާތު އިޖިތިމާާޢީ ދަރަޖަތަކުންނާއި އެކިއެކި ތަޖުރިބާތަކުން ބައިވެރިިވެފައި ތިބޭ ކުދިންނަށްވާހިނދު އުގަންނާދިނުމުގައި ގޮތްތަަކެއް ކަނޑައަޅާ ސަމާލުވާންވީ ފިޔަވަޅުތައް ރޭވުމަށެވެ. މިބާވަތުގެ އިމުތިހާނުތަކުން ލިބިދޭ މަޢުލޫމާތުގެ އަލީގައި ދަރިވަރުންނާއި އެންމެ ގުޅޭ އެކަށީގެންވާ ފެންވަރަކީ ކޮބާތޯ ބަލާލެވި އިތުރަށް ރަގަޅުކުރުމަށް އެހީތެރިވެދެވޭނެއެވެ.

ފޯރމެޓިވް: މިބާވަތުގެ އިމުތިހާނުކުރުމުގެ ބޭނުމަކީ ދަރިވަރުން އެހީތެރިކަން އިތުރަށް ފޯރުކޮށްދޭންވީ ކޮންބައިތަކަކަށް ބަލާ ހެދުމަށާއި ކުރެވިފައިވާހުރި ތަޖުރިބާތަކާއި ލިބިފައި ހުރިހާ މަޢުލޫމާތުގެ އަލީގައި ކުރިއަށްއޮތްތާގައި ކިޔަވާދިނުމުގައި ހިމަނަންވީ އިތުރުކަންކަން ދެނެގަނެ ބައްޓަންކުރުމަށެވެ.

ސަމޭޓިވް: މިބާވަތުގެ އިމުތިހާނު ކުރެވެނީ ސެމެސްޓާރއެެއް ނުވަތަ އަހަރެއް ނިމޭހިނދު ޙާޞިލުވާމިންވަރު ބަލާށެވެ. ނުވަތަ އެހެންގޮތަކުން ބުނާނަމަ ކަނޑައެޅި އޮބްޖެކްޓިވްތައް ޙާޞިލުވިތޯ ބަލާށެވެ. އަހަރުފެށޭއިރު ވަރަށް ގިނަފަހަރަށް ދަރިވަރުންގެ އުގެނުމާއި އުގަންނާދިނުމުގެ ކަންކަން އޮންނަނީ މައިގަޑު މަޤްޞަދުތަކާއި ހޯދަންބޭނުންވާ އަމާޒުތަކެއް ކަނޑައެޅިފައެވެ. އެކަންކަން ޙާޞިލުވިތޯ ބެލުމަށްޓަކައި މިބާވަތުގެ އިމުތިހާނު ކުރެވެއެވެ. މިބާވަތުގެ އިމުތިހާނުން އުގެނުމާއި އުގަންނާދިނުން އިތުރަށް ފުރިހަމަކޮށްރާވާ ކަންކަން ހަމަޖައްސާ ދަރިވަރުންނަށް އިތުރަށް ބައިތަކެއް އޮޅުންފިލުވާދިނުމަށް ފުރުޞަތުތަކެއް ފަހިކޮށް ނުދެއެވެ.

އިމްތިހާނު ކުރެވޭގޮތް ކުދިންގެ އުގެނުމާއި ގުޅިގެންދިއުން

އިމުތިހާނުކުރެވޭ ގޮތުން ދަރިވަރުގެ އުގެނުމަށާއި ޝައުޤުވެރިކަމަށް ބާރުފޯރުވައެވެ.

ގުރާންޓް ވިގިންސް (1986)  ހާމަކުރާގޮތުގައި 'އެޑުޔުކޭޓިވް އެސެސްމަންޓް' މާނަކުރެވެނީ އިމުތިހާނެއް ރާވާ ޑިޒައިންކުރުމުގައި ހަމަޖެއްސިދާނެ ތަފާތުގޮތްތަކާއި ބެލިދާނެ އުޞޫލުތަކާއި ގެނެވިދާނެ ބަދަލުތައް ދެނެގަތުމަށެވެ. އޭނާފާހަގަކުރާގޮތުގައި ނަތީޖާ ހާމަވާގޮތުން ދަރިވަރުގެ އުގެނުމަށާއި ޝައުޤުވެރިކަމަށް އަސަރުކުރުވައެވެ. މިގޮތުން ފާހަގަކުރާގޮތުގައި އިމުތިހާނު ކުރުންވާންޖެހޭނީ އޯތެންޓިކް (އަސްލު ބަލަން) ކުރެވޭ މަސައްކަތެއްގެ ގޮތުގައެވެ. މާނަައަކީ ޢަދަދުތަކެއް ހޯދުމަށްވުރެ އެގިފައިވަނީ އަސްލު ކިހާވަރަކަށްތޯ ބެލުމަށެވެ. އެއްވެސްހާލެއްގައި އިމުތިހާނުގެ ކުޑައިރުކޮޅެއްގެ ކުރިން ދަސްކޮށްފައިވާ ބައިތަކެއް ދަސްވެފައިވާ މިންވަރު ދެނެގަތުމަކަށް ނޫނެވެ. މިހެންކަމުން އިމުތިހާނެއް ނިމޭއިރު ރަގަޅަށް ހެދިކަމުގައި ވިޔަސް ކުއްޖާއަށް އަދި މުޅިއެކު އެމަޢުލޫމާތު އެގެންވާވަރަށް އެގުނީ ކަމަށް ނުބެލި ހިނގާދާނެއެވެ.

އިމުތިހާނުކުރުމުގައި (އެރާރ) އެކުލެވިދާނެއެވެ.

މުދައްރިސުންނާއި އިދާރީ މަސައްކަތްތަކުގެ ދފާހަގަކުރެއްވި އިރު މިސާލަކަށް އިމުތިހާނު ކުރެވުނު ގޮތަކީ ރިލައިބަލް(ބަރޯސާ) ވެވިދާނެ ނަތީޖާއެއްތޯ ދެނެގަންނާން ޖެހޭނެއެވެ. ވަރަށް ގިނަފަހަރަށް އިމުތިހާނުކުރެވޭ ގޮތަކީ އެކީ އެކައްޗަކަށް ދެނެގަނެވިފައިވާ މިންވަރު ބެލުމަށް ކުރެވިފައިވާ މަސައްކަތެއް ނަމަވެސް އެމަސައްކަތް އެހެންގޮތަކަށް ކޮށްފިނަމަ އެނަތީޖާ ބަދަލުވުމުގެ ޖާގަ އޮވެގެން ނުވާނެއެވެ.

އިމުތިހާނު ކުރެވޭގޮތް ރަގަޅުނަމަ އިރުޝާދުދެވޭގޮތް ރަގަޅުވެ ކިޔަވާދެވޭ ގޮތް އިތުރަށް ފުރިހަމަ ކުރެވޭނެއެވެ.

ދަރިވަރުންގެ އުގެނުމަށާއި ޝައުޤުވެރިކަމަށް އަސަރުތަކެއް ކުރުވާއިރު އެކަމަކީ އުގެނުން އޯޑިޓް ކުރެވޭގޮތަށްވެސް ވާން ޖެހޭނެއެވެ (ޝެޕާރޑް، 2000). އިމުތިހާނު ކުރަނީ އުގަންނާދިނުން ރަގަޅުކުރަންނަމަ، އެހޯދުނު މަޢުލޫމާތު ތަކުގެ އަލީގައި ރޭވިދާނެ އެކްޓިވިޓީތަކާއި އިރުޝާދު ދޭއިރު ގެންގުޅެވިދާނެ ގޮތްތައް ކަނޑައެޅުމަށް އެހީތެރިވެދޭނެއެވެ.

އިމުިތިހާނު ރަގަޅަށް ކުރެވިއްޖެނަމަ އެހެން ގޮތަކަށް އެއިމުތިހާނު ދިންނަމަވެސް ބަދަލަކަށް ނާދެވެއެވެ.

އިމުތިހާނު ކުރެވޭގޮތަށް ބަލާއިރު އެނަތީޖާއަކީ ކޮންމެ ތަނެއްގައި ކޮންމެ އެފެންވަރުގެ ކޮންމެ ބައަކަށް ދިންނަމަވެސް ދާދި އެއްކަހަލަ ނަތީޖާތަކެއް ހާމަވުމުގެ ފުރުޞަތު ބޮޑުވި ވަރަކަށް އިމުތިހާނުގެ އަގު އިތުރުވެގެން ދެއެވެ. އަދި އެނަތީޖާގެ މައްޗަށް ޖަމާޢަތެއްގެ ފެންވަރު ކަނޑައެޅުމުގައި ބަރޯސާވުމުގެ ފުރުޞަތު ބޮޑުވެއެވެ.

އިމުތިހާނުކުރުންވާން ޖެހޭނީ އިންސާފުވެރިކޮށް ހަމަހަމަކޮށް ކުރެވޭ ކަމަކަށެވެ.

http://pareonline.net/getvn.asp?v=7&n=8